ကချင်ပြည်နယ် မြစ်ကြီးနားမြို့ရှိ မြန်မာ့စီးပွားရေးဘဏ်တွင် ဗုံးပေါက်ကွဲမှုဖြစ်ပွားပြီးနောက် ယနေ့ နံနက် ၁၀ နာရီခန့်က ဘဏ်အနီးရှိရပ်ကွက်ပေါ်တွင် ဂျက်လေယာဉ်တစ်စင်းပျံဝဲနေကြောင်း သိရသည်။
မြစ်ကြီးနားမြို့မှ မြန်မာ့စီးပွားရေးဘဏ်တည်ရှိရာ ရန်ကြီးအောင်ရပ်ကွက်တွင် ဂျက်လေယာဉ်တစ်စင်း ပျံဝဲနေသည်ကို တွေ့ရှိရသည်ဟု မျက်မြင်တွေ့ရှိသူတစ်ဦးက The 74 Media ကိုပြောသည်။
“ဂျက်လေယာဉ်ဝဲနေတာ နိမ့်နိမ့်လေး အခုပဲ ဒီနားတစ်ဝိုက်လိုဘဲ နှစ်ခါရှိပြီ ပတ်တာတော့ အခုပျောက်သွားပြီ ဘယ်ဘက်သွားလိုက်တာတော့မသဲကွဲဘူး အသံက တစ်စီးသံဘဲကြားတယ်။” ဟုသူကပြောသည်။
မြစ်ကြီးနားမြို့ရှိ မြန်မာ့စီးပွားရေးဘဏ်အနီးတွင် ယနေ့ နံနက် ၉ နာရီခန့်က ဗုံးပေါက်မှုဖြစ်ပွားခဲ့သည်။
ကချင်ပြည်နယ်ရှိ မြို့နယ်အချို့တွင် ဗုံးပေါက်ကွဲမှုများ မကြာခဏဖြစ်ပွားနေပြီး ဖားကန့်မြို့အတွင်း စက်တင်ဘာလ ၁၆ ရက်နှင့် ၁၈ ရက်နေ့များတွင် Mytel တာဝါတိုင်တစ်ခု ဗုံးဖောက်ခွဲခံခဲ့ရသည်။
photo – စစ်ကောင်စီ (လေ) တပ်၏ Yak – 130 လေ့ကျင့်ရေးလေယာဉ်တစ်စီးကို တွေ့ရစဉ် (Photo Credit)
သင့်ထင်မြင်ချက်ရေးပေးပါ