စစ်ကိုင်းတိုင်း ရေဦးမြို့နယ်၊ ပုဏ္ဏကားရွာနှင့် အင်တောရွာကြားတွင် ယမန်နေ့ စက်တင်ဘာ ၄ ရက် ည ၉ နာရီခန့်က စစ်ကောင်စီတပ်ဖွဲ့ဝင်များက လူငယ်တစ်ဦးကို ပစ်ခတ်သတ်ဖြတ်ခဲ့ကြောင်း သိရသည်။
ခင်ဦးမြို့နယ်မှ စစ်ကောင်စီတပ်ဖွဲ့ဝင်များ၏ ယာဉ်တန်းလာချိန် လမ်းတွင် ပစ်သတ်ခဲ့ခြင်းဖြစ်သည်ဟု ဒေသခံတစ်ဦးက The 74 Media ကိုပြောသည်။
![](https://www.the74media.com/wp-content/uploads/2021/09/240718137_400780404774820_4362337755660004759_n-145x300.jpg)
![ရေဦးမြို့တွင် လူငယ်တစ်ဦးကို စစ်ကောင်စီတပ်ဖွဲ့ဝင်များ ပစ်ခတ်သတ်ဖြတ်](https://www.the74media.com/wp-content/uploads/2021/09/240993981_400780354774825_579359874620623050_n-300x225.jpg)
![](https://www.the74media.com/wp-content/uploads/2021/09/241415071_400780454774815_2175545281185817217_n-300x279.jpg)
“တန့်ဆည်ကို စကစက လုံခြုံရေးတိုးမြင့်ချဖို့ ခင်ဦးစစ်ယာဉ်တန်း အမြန်မောင်းလာချိန် လမ်းဘေးမှာ ပစ်ခံရတာပါ။ ဆီးခုံမှာ မှန်တာပါ” ဟုသူကပြောသည်။
ပစ်ခတ်သတ်ဖြတ်ခံရသူသည် ဖန်ခါးဇင်ကျေးရွာမှ အသက် ၂၁ နှစ်အရွယ် မောင်ခိုင်ဇော်ဖြစ်ကြောင်း သိရသည်။
ဆိုင်ကယ်နှစ်စီးနှင့် လူငယ်လေးဦးအတူပြန်လာချိန် ပစ်သတ်ခံရခြင်းဖြစ်ပြီး နှစ်ဦးမှာနေအိမ်သို့ ပြန်လည်ရောက်ရှိလာသော်လည်း တစ်ဦးမှာပျောက်ဆုံးနေဆဲဖြစ်သည်။
တန့်ဆည်မြို့ ဈေးအနောက်ဘက်တွင် စက်တင်ဘာ ၄ ရက်နေ့က စစ်ကောင်စီတပ်ဖွဲ့ဝင်ရဲနှစ်ဦး ပစ်သတ်ခံရပြီးနောက် စစ်ကိုင်းတိုင်းအတွင်း စစ်ကောင်စီတပ်မှ လုံခြုံရေးတိုးမြင့်ချထားကြောင်း သိရသည်။
စစ်ကိုင်းတိုင်း တန့်ဆည်မြို့နယ်၊ ဖလံချိုင်ကျေးရွာ သုဿန်၏ အနောက်တွင် စက်တင်ဘာ ၄ ရက်နေ့ကလည်း ပြည်သူတစ်ဦးကိုစစ်ကောင်စီတပ်ဖွဲ့ဝင်များကာ လည်ပင်းဓားနှင့်လှီး၍ သေနတ်ဖြင့်ပစ်ခတ်သတ်ဖြတ်ခဲ့သည်။
သင့်ထင်မြင်ချက်ရေးပေးပါ