စစ်ကိုင်းတိုင်း ဟုမ္မလင်းမြို့နယ်တွင် စစ်ကောင်စီတပ်ဖွဲ့နှင့် ရှမ်းနီအမျိုးသားများတပ်မတော် (SNA) အကြား မေလ ၆ ရက်နေ့တွင် တိုက်ပွဲဖြစ်ပွားခဲ့ပြီး စစ်ကောင်စီတပ်သား တစ်ဦးသေဆုံးသွားသည်။
ဟုမ္မလင်းမြို့နယ် ထမံသီကျေးရွာအနီး ထုံမလွတ်ကျေးရွာတွင် တိုက်ပွဲဖြစ်ခဲ့ပြီး SNA တပ်က လက်နက်ကြီးဖြင့် ပစ်ခတ်ပြီး စစ်ကောင်စီတပ်သားတစ်ဦးသေဆုံးသွားခြင်းဖြစ်သည်ဟု ဒေသခံတစ်ဦးက ပြောသည်။
“မနေ့နေ့လယ်ပိုင်းက တိုက်ပွဲဖြစ်တာပါ၊ ကျွန်တော်တို့ ထုံမလွတ်ရွာနားမှာ၊ စစ်သားတွေက စက်လှေနဲ့လာတာ၊ လက်နက်ကြီးသံကြားရတယ်၊ တစ်ယောက်သေတယ်လို့လည်း ပြောတယ်” ဟု ပြောသည်။
စစ်ကောင်စီတပ်ဖွဲ့နှင့် ရှမ်းနီအမျိုးသားများတပ်မတော် (SNA) အကြား မေလ ၅ ရက်နေ့တွင်လည်း ခန္တီးမြို့နယ်အတွင်း တိုက်ပွဲဖြစ်ပွားခဲ့ခြင်းဖြစ်ပြီး စစ်ကောင်စီတပ်ဖွဲ့ဝင် သုံးဦးသေဆုံးခဲ့သည်။
SNA တပ်သည် ၁၉၈၉ ခုနှစ်တွင် စတင်ဖွဲ့စည်းခဲ့သည့် ရှမ်းနီလက်နက်ကိုင်အဖွဲ့တစ်ခုဖြစ်ပြီး စစ်ကိုင်းတိုင်းအထက်ပိုင်းနှင့် ကချင်ပြည်နယ်တွင် အခြေစိုက်သည်ဟု သိရသည်။
သင့်ထင်မြင်ချက်ရေးပေးပါ