မိုးမောက် မြို့သစ်ကျေးရွာတွင် ကေအိုင်အေနှင့် စစ်ကောင်စီတပ်တို့ကြား တိုက်ပွဲပြင်းထန်နေ

ကချင်ပြည်နယ်၊ မိုးမောက်မြို့နယ် မြို့သစ်ကျေးရွာတွင် ကချင်လွတ်မြောက်ရေးတပ် (KIA) နှင့် စစ်ကောင်စီတပ်သို့ ယနေ့ည ၇နာရီဝန်းကျင်အချိန်မှစ၍ တိုက်ပွဲများ ပြင်းထန်စွာ ဖြစ်ပွားနေသည်ဟု ဒေသခံများထံမှ သိရသည်။

မြို့သစ်ကျေးရွာမှ စစ်ကောင်စီတပ်များသည် ကချင်လွတ်မြောက်ရေးတပ် (KIA) ရှိရာသို့ ရွာအတွင်းမှ လက်နက်ကြီးများနှင့် သေနတ်များဖြင့် အဆက်မပြတ် ပစ်ခတ်နေသည်ဟု ဒေသခံတစ်ဦးက The 74 Media ကိုပြောသည်။

” အခုသေနတ်တွေရော လက်နက်ကြီးတွေရော အဆက်မပြတ်ပစ်ကြတယ်။ ကျွန်တော်တို့အိမ်ဘေးမှာပဲ ပစ်နေကြတာ။ ရွာထဲကနေ ပစ်နေကြတာဟုတ်တယ်။ လက်နက်ကြီးသံတွေကြောင့် အိမ်တွေပါတုန်တယ်။ လက်နက်ကြီးကတော့ တပ်ဘက်ကထုနေတာဟုတ်တယ်။ သေနတ်သံက များလွန်း ကျယ်လွန်းတော့ ဘယ်ဘက်ကနေ ပစ်နေကြသလဲကို မသေချာဘူး” ဟုပြောသည်။

စစ်ကောင်စီတပ်များသည် မြို့သစ်ကျေးရွာရှိ စာသင်ကျောင်းနှင့် ဆေးရုံအပြင် ရွာပတ်ဝန်းကျင်၌ တပ်စွဲထားသည်။ မိိုးမောက်မြို့နယ်တွင် တိုက်ပွဲဖြစ်ပွားနေသည်မှာ တစ်လကျော်မျှ ကြာမြင့်ပြီဖြစ်သည်။

Leave a Reply

Your email address will not be published. Required fields are marked *