ရှမ်းပြည်နယ် မြောက်ပိုင်း၊ မုံကိုးမြို့နယ် ဖောင်းဆိုင်ကျေးရွာအနီးတစ်ဝိုက်ကို စစ်ကောင်စီတပ်ဖွဲ့ဝင်များက လက်နက်ကြီးများဖြင့် ရမ်းသမ်းပစ်ခတ်နေကြောင်း သိရသည်။
စစ်ကောင်စီတပ်ဖွဲ့ဝင်များနှင့် ကိုးကန့်တပ်ဖွဲ့ MNDAAတို့နှစ်ဖက်စစ်ရေးလှုပ်ရှားမှုများရှိနေသောကြောင့် ဩဂုတ်လ ၂၈ ရက်နေ့မှ စ၍ ယနေ့ချိန်ထိ တိုက်ပွဲ ဆက်လက်ပြင်းထန်နေကြောင်းသိရသည်။
တိုက်ပွဲများဖြစ်ပွားနေချိန်တွင် ကျေးရွာများသို့ လက်နက်ကြီးများ ကျရောက်ပေါက်ကွဲသောကြောင့် လက်နက်ကြီးထိမှန်၍ ပြည်သူများ သေဆုံးမှု ရှိခဲ့ပြီး ဒေသခံပြည်သူအချို့၏ နေအိမ်၊ပစ္စည်းများ ပျက်စီးဆုံးရှုံးမှုများ ရှိခဲ့သည်။
မုံကိုးမြို့နယ်ရှိ ကျေးရွာအချို့တွင် တိုက်ပွဲပြင်းထန်လျက်ရှိသောကြောင့် ဒေသခံ ပြည်သူ ၁၄၀၀ ကျော်သည် နီးစပ်ရာ ဘုရားကျောင်းများ၊ ဘုန်းကြီးကျောင်းများနှင့် တရုတ်ပြည်နယ်စပ်သို့ ဆက်လက် ထွက်ပြေးတိမ်းရှောင်နေရကြောင်း သိရသည်။
Photo : the kachin net
သင့်ထင်မြင်ချက်ရေးပေးပါ