ကချင်ပြည်နယ်၊ ဒေါ့ဖုန်းယန်မြို့နယ်ခွဲတွင် ယနေ့နံနက် ၁၁ နာရီခန့်က အသက် ၄၁ နှစ်အရွယ် အမျိုးသမီးတစ်ဦးဆိုင်ကယ်စီးနေစဉ် မိုင်းစ ထိမှန်ခဲ့ကြောင်း သိရသည်။
ဒေါ့ဖုန်းယန် ရပ်ကွက် (၃) တွင် နေထိုင်သည့် ဒေါ်ဆိုင်းဂျာ အသက် (၄၁) နှစ်သည် တောင်ယာသွားရန် ဆိုင်ကယ်နောက်မှလိုက်ပါစီးနှင်းစဉ် မိုင်းစထိမှန်ခဲ့ခြင်းဖြစ်သည်ဟု ဒေသခံတစ်ဦးက The 74 Media ကိုပြောသည်။
” ဒီမနက် ၁၁နာရီ တောင်ယာသွားတဲ့ လမ်းမှာ ဆိုင်ကယ်စီးပြီး အလုပ်သွားရင်း ထိတာ။ ထိတဲ့ သူက နောက်ကနေ လိုက်စီးတာ ဟုတ်တယ်။ သူသွားတဲ့ဘက်က ကန့်သတ်နယ်မြေလို ဖြစ်နေတာပေါ့။ အဲ့နေရာက စစ်ဖြစ်လို့။ ဒီမနက်မှ စစ်တပ်ဘက်က သွားခွင့်ပြုတာဟုတ်တယ် ” ဟုပြောသည်။
မိုင်းစထိမှန်သူသည် ခြေထောက်တွင် ထိခိုက်ဒဏ်ရာ ရရှိခဲ့ပြီး အသက်အန္တရာယ် မစိုးရိမ်ရကြောင်းသိရသည်။
မိုးမောက်မြို့နယ် ဒေါ့ဖုန်းယန်မြို့နယ်ခွဲ၊ လဂျားယန်နှင့် ခယာတောင်ဘက်တွင် ဇွန်လ ၁၁ ရက်နေ့မှစတင်ပြီး စစ်အင်အားဖြည့်တင်းရန်ရောက်ရှိလာသော စစ်ကောင်စီ၏ ထောက်ပို့ယာဉ်များကို ကေအိုင်အေက ပစ်ခတ်တိုက်ခတ်ခဲ့သဖြင့် နှစ်ဘက် တိုက်ပွဲဖြစ်ပွားခဲ့သည်။
Photo CJ
သင့်ထင်မြင်ချက်ရေးပေးပါ