ဗန်းမော်လေဆိပ်တွင် ယနေ့ မေလ ၁၇ ရက်နေ့ ညနေငါးနာရီခွဲခန့်က စစ်ကောင်စီတပ်ဖွဲ့ဝင်များစီးနှင်းလာသည့် လေယာဥ် ၂ စီး ဆင်းသက်ကြောင်း သိရသည်။
လေယာဉ်နှစ်စီးပေါ်မှ စစ်သားများဆင်းလာသည်ကိုတွေ့ရသည်ဟု မျက်မြင်တစ်ဦးက ပြောသည်။
“ညနေခုနလေးတင်ဆင်းခဲ့တာ၊ နှစ်စီးရှိပြီ ဗန်းမော်လေဆိပ်ကိုဆင်းတာ၊ တစ်စီးတစ်စီး ၂၅ မိနစ်လောက် ခြားတယ်၊ စစ်သားတွေ ဆင်းလာတာတွေ့တယ် ၄၀ ကျော်လောက်ရှိမယ်၊ လေယာဥ်က နှစ်စီးရပ်ထားတာ တွေ့တယ်” ဟု ပြောသည်။
လေယာဉ်ပုံစံအရ တရုတ်နိုင်ငံထုတ် စန်းရှီ ဝိုက်-၈ ထောက်ပို့လေယာဉ်အမျိုးအစားဖြစ်နိုင်သည်ဟု စစ်ရေးလေ့လာသူတစ်ဦးက သုံးသပ်သည်။
သတင်းစုံကို ဆက်လက်ဖော်ပြပါမည်။
သင့်ထင်မြင်ချက်ရေးပေးပါ