ကချင်ပြည်နယ် မိုးမောက်မြို့နယ် မြို့သစ်ကျေးရွာအနီးရှိ ကေအိုင်အေတပ်စခန်းများကို စစ်ကောင်စီက ဂျက်လေယာဉ်ဖြင့် အပြင်းအထန် တိုက်ခိုက်နေသည်ဟု သိရသည်။
စစ်ကောင်စီဂျက်လေယာဉ်များသည် ယနေ့နေ့လယ် ၁၂ နာရီခွဲအချိန်ခန့်တွင် မြို့သစ်ကျေးရွာအနီးရှိ လွယ်မုံမိန်းတောင်ရဲ့ နောက်ကျောဘက်ကို စစ်ကောင်စီဂျက်လေယာဉ်ဖြင့် သုံးကြိမ်ဗုံးကြဲခဲ့သည်ဟု ဒေသခံတစ်ဦးက The 74 Media ကိုပြောသည်။
“ဒီမနက် ၈ နာရီလောက်ကတည်းက ပစ်နေတာ၊ အခုနေ့လယ် ၁၂ နာရီခွဲမှာ စစ်ကောင်စီဘက်က ဂျက်လေယာဉ်နဲ့ ဗုံး သုံးကြိမ်ကြဲသွားတယ်” ဟု ပြောသည်။
မိုးမောက်မြို့နယ်အတွင်း ကေအိုင်အေနှင့် စစ်ကောင်စီတပ်ဖွဲ့များအကြား တိုက်ပွဲအပြင်းအထန်ဖြစ်ပွားနေသည်မှာ အချိန် တစ်လခန့်ကြာမြှင့်လာပြီဖြစ်ပြီး မေလ ၃ ရက်နေ့က စစ်ကောင်စီ၏ စစ်ရဟတ်ယာဉ်တစ်ဦးကို ကေအိုင်အေက ပစ်ချခဲ့သည်။
သင့်ထင်မြင်ချက်ရေးပေးပါ