ကချင်ပြည်နယ် ဝိုင်းမော်မြို့နယ် အမှတ် ၁ ရပ်ကွက်မှ ကျေးလက်ဦးစီးဌာနမှ ဝန်ထမ်းတစ်ဦးတွင် ဇွန်လ ၂၈ ရက်နေ့က ကိုဗစ်ပိုးတွေ့ရှိခဲ့ကြောင်းသိရသည်။
ဝိုင်းမော်မြို့နယ် အမှတ်၁ ရပ်ကွက်မှ အသက် ၅၄ နှစ် အရွယ် အမျိုးသမီးသည် ကျေးလက် ဦးစီးဌာနမှ ဝန်ထမ်းတစ်ဦးဖြစ်ကြောင်း ရပ်မိရပ်ဖ တစ်ဦးက The 74 Media ကိုပြောသည်။
“အခုပိုးတွေ့တာက ရပ်ကွက်၁ က ဟုတ်တယ် ကျေးလက်ဦးစီးမှာလုပ်နေတာ လို့သိရတယ်။ သူက အာယုဆေးခန်းလဲသွားထားတော့ ခုဆေးခန်းလည်း ပိတ်ထားပြီ” ဟုသူကပြောသည်။
ပိုးတွေ့လူနာ ဆေးကုသခံယူခဲ့သော ဆေးခန်းသည် နှစ်ပတ် ယာယီပိတ်ထားကြောင်း သူကဆက်ပြောသည်။
ဝိုင်းမော်မြို့နယ်တွင် လက်ရှိ ပိုးတွေ့လူနာ ၇ ဦးရှိပြီး လူနာများမှာ ဝိုင်းမော်ဆေးရုံ ကိုဗစ်လူနာဆောင်တွင် ဆေးကုသမှုခံယူလျက်ရှိသည်။
သင့်ထင်မြင်ချက်ရေးပေးပါ