စစ်ကိုင်းတိုင်း၊ အင်းတော်မြို့တွင် မီးသတ်ကားတိမ်းမှောက်မှုကြောင့် ဆုံးပါးသွားသော မီးသတ်တပ်ဖွဲ့ဝင်နှစ်ဦး၏ ဈာပနအခမ်းအနားကို ယနေ့ မွန်းလွဲ သုံးနာရီတွင် ကျင်းပခဲ့သည်။
အသက် ၂၄နှစ်အရွယ် ဒုတပ်ကြပ် ဥာဏ်ထက်ဦးနှင့်အသက် ၂၁နှစ်အရွယ် တပ်သား အာကာဖြိုးတို့ နှစ်ဦးသည် ယမန်နေ့က စက်တောကုန်း အလယ်တန်းစာသင်ကျောင်း မီးလောင်မှုဖြစ်ပွားခဲ့ရာတွင် မီးငြှိမ်းသတ်ရန်သွားသည့် လမ်းတွင် ယာဉ်မတော်တမှုဖြစ်ပွား၍ သေဆုံးခဲ့ခြင်းဖြစ်သည်။
တပ်ဖွဲ့ဝင်နှစ်ဦးအား ဆုံးရှုံးမှုကြောင့် စိတ်မကောင်းဖြစ်မိကြောင်း မီးသတ်တပ်ဖွဲ့ဝင်တစ်ဦးမှ The 74 Media ကိုပြောသည်။
“ရဲဘော်ရဲဘက်ကောင်းတွေ ဆုံးရှုံးလိုက်ရလို့ စိတ်တော့မကောင်းဘူးပေါ့နော်။ ဒါပေမယ့် သူတို့အတွက်တော့ ဂုဏ်ယူမိပါတယ်”ဟု ပြောသည်။
အဆိုပါ မီးသတ်တပ်ဖွဲ့ဝင်နှစ်ဦး၏ ဈာပနအခမ်းအနားတွင် ဒေသခံပြည်သူများ လူဦးရေ သုံးရာကျော်ခန့်လိုက်ပါပို့ဆောင်ခဲ့ကြောင်း သူကဆက်ပြောသည်။
Photo : CJ
သင့်ထင်မြင်ချက်ရေးပေးပါ