မြန်မာ့ဂုဏ်ဆောင် MMA ကစားသမား အောင်လအင်ဆန်၏ လိုက်ဟဲဗီးဝိတ်ချန်ပီယံခါးပတ်ကာကွယ်ပွဲကို နယ်သာလန်သား ဒီရီဒါနှင့် ပြောင်းလဲ ထိုးသတ်မည်ဖြစ်ကြောင်း အောင်လက သူ၏ လူမှုကွန်ယက်မှ တစ်ဆင့် အသိပေးလိုက်သည်။
အောင်လသည် မူလက ရုရှားနိုင်ငံသား ဘစ်ဒတ်ရှ်နှင့်ထိုးသတ်ရန် စီစဥ်ထားသော်လည်း ဘစ်ဒတ်ရှ်တွင် Covid 19 ပိုးတွေ့ရှိခဲ့သောကြောင့် ဒီရီဒါနှင့် ပြောင်းလဲထိုးသတ်ခဲ့ခြင်းဖြစ်သည်။
ထို့အတူ နယ်သာလန်သား ဒီရီဒါနှင့် မူလက ထိုးသတ်ရန်စီစဥ်ထားသော ပြိုင်ဘက်တွင်လည်း Covid 19 ပိုးတွေ့ရှိခဲ့သောကြောင့် ယခုကဲ့သို့ အောင်လအင်ဆန်နှင့် ထိုးသတ်ရန်စီစဥ်ခဲ့ခြင်းဖြစ်သည်။
“အားလုံးဂုဏ်ယူရဖို့အတွက်ကျွန်တော်အကောင်းဆုံးကြိုးစားယှဉ်ပြိုင်သွားမှာပါ။မြန်မာပြည်ကြီး အမြန်ဆုံး ငြိမ်းချမ်းသာယာပါစေ” ဟု အောင်လက ပြောသည်။
အောင်လနှင့် နယ်သာလန်သား ဒီရီဒါတို့သည် လာမည့်ဧပြီလ ၂၉ရက်နေ့၊ နံနက်ပိုင်း ၇နာရီခန့်တွင် စင်ကာပူနိုင်ငံတွင်ထိုးသတ်သွားမည်ဖြစ်သည်။
အောင်လသည် သူ၏ မစ်ဒယ်ဝိတ်တန်းချန်ပီယံခါးပါတ်ကို ပြီးခဲ့သည် ၂၀၂၀ခုနစ် အောက်တိုဘာလက နယ်သာလန်နိုင်ငံသား ဒီရီဒါကို လွဲပြောင်းပေးအပ်ခဲ့ရသည်။
သင့်ထင်မြင်ချက်ရေးပေးပါ