မိုးကုတ်မြို့မှ စစ်အာဏာရှင်ဆန့်ကျင်ရေး ပြောက်ကျားသပိတ်စစ်ကြောင်းသည် ယနေ့ နေ့လည် ၁၂နာရီဝန်းကျင်က အောင်ချမ်းသာရပ်ကွက်အရောက်တွင် ဖြိုခွင်းခံလိုက်ရကြောင်းသိရသည်။
မွန်းလွဲ ၁နာရီအချိန်အထိ စစ်ကောင်စီတပ်ဖွဲ့ဝင်များက အောင်ချမ်းသာရပ်ကွက်အတွင်းရှိ ခံတပ်များအား လိုက်လံဖြိုနေပြီး လျှပ်စစ်မီးကိုလည်း ဖြတ်တောက်ထားကြောင်း ပြည်သူတစ်ဦးက The 74 Media ကိုပြောသည်။
“အကာတွေဖြတ်ပြီး ရပ်ကွက်ထဲ ကားတွေ ဝင်သွားပြီဗျ။ ခံတပ်တွေလည်း တော်တော်များများ ပြိုသွားပြီ။ အခုလေးတင် အောင်ချမ်းသာစာသင်ကျောင်းမှာ တပ်စွဲလိုက်ပြီလို့ သတင်းကြားနေတယ်” ဟုဆိုသည်။
ယနေ့ ပြောက်ကျားသပိတ်စစ်ကြောင်းတွင် ပစ်ခတ်ခံရသူနှင့် ဖမ်းဆီးခံရသူရှိ၊ မရှိကိုမူ မသိရသေးကြောင်း သူကဆက်ပြောသည်။
မိုးကုတ်မြို့တွင် ဧပြီလ ၁၇ရက်နေ့က စစ်ကောင်စီတပ်၏ အကြမ်းဖက်ဖြိုခွင်းခဲ့သောကြောင့် ပြည်သူ ၂ဦးကျဆုံးကာ၊ ၅ ဦး ဒဏ်ရာရရှိခဲ့ကြောင်းသိရသည်။
Photo Courtesy by CJ
သင့်ထင်မြင်ချက်ရေးပေးပါ