ဖားကန့်မြို့၊ စပေါ့ကျေးရွာ အနီးတွင် ယနေ့ မတ်လ ၂၆ ရက်နေ့၊ ညနေ ၆နာရီ ၃၀ မိနစ်ခန့်က ဗုံးပေါက်ကွဲမှုဖြစ်ပွားခဲ့ကြောင်း စပေါ့ပြည်သူများထံမှ သိရသည်။
“ညနေ ၆ခွဲလောက်မှာ ဗုံးပေါက်ကွဲသံ ၂ခါ ကြားလိုက်တယ်၊ သေနတ်သံလည်း ပါတယ်၊ ပြီးတော့ ပြန်တိတ်သွားတယ်၊ အခုထိတော့ အထိအခိုက်ရှိတယ်လို့ မကြားသေးဘူး” ဟု စပေါ့ပြည်သူတစ်ဦးက The 74 Media ကို ပြောသည်။
လက်ရှိအချိန်တွင် ဗုံးပေါက်ကွဲသောနေရာတွင် စစ်တပ်ရောက်ရှိနေကြောင်းသိရသည်။
ထို့အပြင် အလားတူ ဗုံးပေါက်ကွဲမှုဖြစ်စဥ်တစ်ခု ယနေ့၌ ဆိုင်းတောင်၊ ကျောက်သွေးတောင် အနီးတွင်လည်း ဖြစ်ပွားခဲ့ကြောင်းသိရှိရသည်။
သင့်ထင်မြင်ချက်ရေးပေးပါ