Truth, Insight, Independence
ကချင်ပြည်နယ်၊ မိုးမောက်မြို့ နယ် စစ်ကောင်စီတပ်ရှိရာ စီဟတ်ကျေးရွာဝန်းကျင်တစ်ဝိုက်တွင် တိုက်ပွဲများပြင်းထန်နေသောကြောင့် စီဟတ်ကျေးရွာ အနီးအနားရှိ ကျေးရွာများမှပြည်သူများ ထွက်ပြေးတိမ်းရှောင်နေကြောင်းသိရသည်။
မိုးညှင်းမြို့ စစ်အာဏာရှင်ဆန့်ကျင်ရေး လမ်းလျှောက်သပိတ် လှည့်လည်အပြီး ဘူတာကြီးရှေ့လူစုခွဲချိန်တွင် မိုးညှင်းတက္ကသိုလ်ကျောင်းသားသမဂ္ဂအမှုဆောင်ဟောင်း မမြတ်နိုးဝေနှင့်အတူ ကိုကျော်မြင့်ထွန်းတို့ ဖမ်းဆီးခံခဲ့ရကြောင်းသိရသည်။
ဖားကန့်မြို့ ၊ မြို့မရပ်ကွက် ကလပ်ကုန်းမှ စစ်ကောင်စီ၏ ဗျူဟာကုန်းတွင် ယနေ့ ည ၁၀နာရီခန့်မှစ၍ တိုက်ပွဲပြင်းထန်နေကြောင်း ဖားကန့်ဒေသခံများထံမှသိရသည်။
စစ်ကောင်စီတပ်ဖွဲ့ဝင်များနှင့် တိုက်ပွဲဖြစ်ပွားစဥ် ကျဆုံးသွားခဲ့သော KIA ဗိုလ်ဖြစ်သူ ကိုဇော်ဂျာနော်အား ရတနာပုံတက္ကသိုလ် ကုန်ထုတ်ဓါတုဗေဒကျောင်းသား/ကျောင်းသူများမှ ဒီမိုကရေစီသူရဲကောင်းအဖြစ် ကမ္ဗည်းမှတ်တမ်းတင်ကြောင်း ၎င်းတို့၏ လူမှုကွန်ယက်စာမျက်နာတွင် ရေးသားထားသည်။
လက်ခံရရှိသော အလှူငွေများကို CDM ဝန်ထမ်းများနှင့် အခြားလိုအပ်သောနေရာများတွင် သွားရောက်လှူဒါန်းသွားမည်ဟု သိရသည်။